Ez da pregoia, baina (ia) iritsi direla esateko balio du

Txistularien kontzertu nagusia egin dute Gamon Zumardian; ehunka ikuslek ederki gozatu dute madalenen aperitiboarekin

2018/07/20

Azken egunetan, festa giroa sumatzen da Errenteria-Oreretan. Bada zerbait airean, eta zerbait hori gaur irudikatu da. Txistularien kontzertu nagusia egin dute Gamon Zumardian, Xabier Vesgak gidatuta, eta herriko musikariez gain, Euskal Herriko txoko askotatik etorritakoek bete dute oholtza. Azken urtetan bezala, gonbidatu berezia izan da aurten ere: Xabier Saldias. Egan taldeko abeslari mitikoak kanta are mitikoagoak abestu ditu. Txantxetan, esan du Donostiako Belodromoa beteko luketela beren kontzertuetan sortu diren bikoteekin. Hala ere, azpeitiarra ez da gonbidatu berezi bakarra izan. Oskar Estanga trikitilariak ere pieza pare bat jo ditu, eta Ereintzako dantzariek ez dute hutsik egin. Xanti eta Maialen faltatu dira, eguraldiagatik. Bukaeran, han eta hemen jaiotako oreretarrak igo dira, Egin zaidazu bisita abestia kantatzeko. Diana-rekin bukatu dute saioa (Zentenarioa biharko gordeko dute). Ea zenbat bikote sortzen dituen gaurko kontzertuak…

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.