[Bideoa eta galeria] Koloreen garrantzia madalenetan

Koloreen eztanda izan da Gernika plazan. Madalenak hasteko Holi festan gazteak eta gaztetxoak egon dira, euren erara jaien hasieran ekarpena egiten.

Urko Etxebeste

Errenteria-Orereta

2018/07/21

Gazteena izan da Holi txupinazoa.

Deitu Holi festa, txupinazo koloreduna, edo gazteenen jaien hasiera. Izenak aparte, ikusgarria da. Aurten ere bigarren txupinazo bat izan da nagusiaren ordu berberean, eta distantziak eta tradizioak alde batera utzita, sekulakoa da. Jaiak beste era batera ere hasi dira. Ehunka izan dira aurten ere Gernika plazan Holi festara hurbildu direnak koloreen laguntzarekin jaiak hastera. 19:00ak baino lehen DJ batek ederki girotu du gazteak gehiengo zen herritar masa, ordurako jai gogoz, desioz iritsi baitira. Koloretako hautsak erruz harrotu dituzte, plazaren erdian zeudenen artean, eta badaezpada kanpoan zeudenen artean ere. Hauts kanoikadak ere izan dira. Nola ez, gazteak pozarren. Hitzak soberan daude. Ikusi jaien hasiera berezi horren bideoa eta irudiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.