[Bideoa eta galeria] Txunpa,Txunpa,Txunpa... Hasi da festa!

Auzo elkarteek piztu dute txupina. Bost egun aurretik eta 150 ekitaldi gozatzeko. Mezu garbia udalarena eta jai batzordearena: gozatu bai, baina berdintasunean, aniztasunean eta errespetuan.

Ikerne Zarate Gartziarena

Errenteria-Orereta

2018/07/21

Txupinazoak egin du eztanda.

Hasi da festa. Auzo elkarteek piztu dute txupina, haien izenean Pontika eta Gabierrotako auzo elkarteetako bina ordezkari, hunkituta laurak, eta Herriko plazak txupinazoarekin batera egin du eztanda. Lepo izan da Herriko plaza baita bertara ematen duten kaleek ere. Azken urteetan ohikoa bihurtu den txupinazo zikinak, irina, keptxupa, mostazaz goitik behera zikintzen dira batzuk, tamalez, behar lukeena baino espazio handiagoa hartu du aurten. EMKE Banda bikain. Urtero bezala zentenarioarekin dantzan jarri dituzte bildutako guztiak eta zirrara berezia sortarazi dute berriz ere. Orain bost egun aurretik eta 150 ekitaldi, askotariko, anitz eta zabal, herriak herriarentzat harilkatutako egitarauan. Mezu garbia udalak eta jai batzordeak helarazi dutena: Gozatu bai, baina berdintasunean, aniztasunean eta errespetuan. Gaurko egitarauaren barruan nabarmentzekoak, Doctor Deseo taldearen kontzertua, eta gaueko danborrada handia. Jaietako egitaraua hemen kontsulta daiteke.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.