'Gorputz deserosoak' Oiartzunen bukatu da

'Gorputz deserosoak' izenburuarekin, fusilamenduen eta hobi komunen gaineko ikastaroa egin dute Euskal Herriko Unibertsitatearen udako ikastaroetan.

Urko Etxebeste Petrirena

Oiartzun

2018/07/21

Katin Txikiko kideak eta Pako Etxeberria, azalpenak ematen Bibliotekan.

Euskal Herriko Unibertsitateak (EHU), udako ikastaroen barruan, Gorputz deserosoak izenekoa egin du hilaren 18tik gaur arte. Eskolak Donostiako Miramar jauregian eman dituzte, baina gaur, Oiartzunera etorri dira. Izan ere, hobi komunen gaineko lanketa egin dute ikastaro horretan, betiere giza eskubideen urraketak irudikatu dituzten gune horien azterketa kritiko eta historikoa eginaz. Ikastaroa bukatzeko, Oiartzunen fusilamenduak izan ziren tokietara, eta beraz, hobi komunak izan ziren guneetara bisita egin dute. EHUren ikastaro horren buru Pako Etxeberria forentsea izan da, eta gaur, Manuel Lekuona Bibliotekan ikastaroko kideei nahiz hainbat herritarri azalpenak eman ondoren, Oiartzunen 1936ko Gerraren bueltan garrantzitsu izandako bi gune bisitatu dituzte: herriko hilerria, eta Karrikako Katin Txiki gunea —fusilamendu guneak izan ziren biak—. Aranzadiko kideek eredugarritzat eman dute Oiartzunen memoria historikoa berreskuratzeko egiten ari diren lana, bereziki, Katin Txikiren ekarpena. Oiartzungo Udalaren babesa izan du bai ikastaroak zein gaurko jarduerak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.