Aurtengo 'Mugarri' eta 'Oiartzun' bihar jarriko dituzte salgai

'Mugarri' bildumaren 25. zenbakiak pilota izango du ardatz; aurkezpen ofiziala abuztuaren 1eko kultur ekitaldian egingo dute

Erik Gartzia Egaña

Oiartzun

2018/07/24

Pilota aztertu du ‘Mugarri’-ren aurtengo zenbakiak.

Mugarri bildumaren 25. zenbakia eta Oiartzun urtekariaren aurtengoa bihartik aurrera jarriko dituzte salgai. Urtekariak lau euro balioko ditu, eta Mugarri-k hamabi. Bigarren liburu hori egiteko, Antton Kazabon, Anton Mendizabal, Joxe Mari Unsain eta Joxe Mari Mitxelena elkartu dira, eta herriko pilota aztertu dute. Pilota Oiartzunen. Pilotasorotik Madalensorora izena jarri diote. Abuztuaren 1ean, 18:00etan, egingo duten kultur ekitaldian egingo dute aurkezpen ofiziala. Ia auzo guztietan jarriko dute salgai. Honakoak izango dira salmenta puntuak:

Altzibar: Berezi janari-denda.
Arragua: Pikoketa estankoa.
Elizalde: Garmendi txokolategia, Garmendia okindegia, Urrats paper-denda eta Zapirain estankoa.
Gurutze: Galdos taberna.
Iturriotz: Ibarreko gasolindegia, Martin harategia eta Pottolo janari-denda.
Ugaldetxo: Mamut merkatal-guneko liburu-denda eta Intxixu taberna.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.