[Galeria] 'Gogoan hartzeko izenak' erakusketa, zabalik

Euskal Memoria Fundazioaren eskutik, Gogoan hartzeko izenak erakusketa zabaldu zuen Oiartzungo Udalak atzo, eta hilaren 16ra bitartean izango da hura bisitatzeko aukera.

Ikerne Zarate Gartziarena

Oiartzun

2018/09/04

Atzo inauguratu zuten ‘gogoan hartzeko izenak’ erakusketa.

Euskal Memoria Fundazioaren eskutik, Gogoan hartzeko izenak erakusketa zabaldu zuen Oiartzungo Udalak atzo, eta hilaren 16ra bitartean izango da hura bisitatzeko aukera. Joseba Zabalza egileak zuzenean aurkeztu zien atzo erakusketa bertara bildu zirenei. Erakusketak, izen bera duen liburua du oinarrian, eta bertan, biktima izan diren ehundik gora pertsonaren historiak bildu ditu Zabalzak: erakunde armatuetako kideak, herritar soilak, sindikalistak, politikoak, manifestariak, torturaren biktimak… Horietako batzuen gainekoak azaldu zituen atzoko aurkezpenean argazkilari iruindarrak, “instituzioen aldetik isiltasuna baino jaso ez duten biktima hauei aurpegia jartzea, eta haien zein beren senideen sufrimendua aitortzea ezinbesteko delako”. Euskal Memoria Fundazioarekin iazko udazkenean argitaratu zuen liburuan azaltzen diren guztiak bigarren mailako biktima direla nabarmendu zuen. Biktima horien historia jasota zuen, baina urrats bat aurrera egin eta liburuaren zein erakusketaren protagonistak nolakoak ziren jakin nahian senideengana jo zuen, eta senideak ere, noski, protagonista bihurtu ditu bere kamerarekin. Arras ezagunak batzuk, erabat ezezagunak beste batzuk, hildakoak ez ezik, larri zauritu dituztenak, eta torturatutakoak ere bildu ditu: Pedro Jesus Etxandi Iturri, David Salvador Bernardo, Juan Manuel Iglesias Sanchez, Victor Belandia Andonegi, Mikel Zabalza, Eustakio Mendizabal Benito Txikia… horietako batzuk baino ez dira. Bost urte behar izan ditu Zabalzak liburua osatu, eta 40.000 kilometro Euskal Herrian barrena argazkiak egiteko. Ibilbide luzea, baina batez ere argigarria, Zabalzaren lanari esker, horietako asko eta askoren historia ahanzturan ez delako galduko.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Galeria] 'Gogoan hartzeko izenak' erakusketa, zabalik

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik