Neurri gehiago eskatu ditu Irabazizek, portuko jarduerak Oarsoaldeko herriak kaltetu ez ditzan

Portu agintaritza eta aldundiaren arteko hitzarmnena ongietorria dela esanda, bestelako neurriak eskatu ditu Pasaiako portuaren jarduera badiako biztanleentzat kaltegarria izan ez dadin

Ikerne Zarate Gartziarena

Errenteria-Orereta,Lezo

2018/09/04

Neurri gehiago hartzea ezinbestekotzat jo du Irabazizek portua hobeagoa eta ziurragoa izan dadin.

Urrats bat. hala definitu du Errenteria Irabazizek Gipuzkoako Foru aldundiak eta Pasaiako Portu agintaritzak suhiltzaileak suteen aurrean espezializatzeko sinatuko duten hitzarmena. Hitzarmena martxan jartzeak, Pasaiako portua hobeagoa eta ziurragoa egitea espero duela esan du hautesle elkargoak, eta agerian utzi duela joan den abuztuaren 2an izandako suteari eraginkorrago erantzutea zegoela, “ingurumenari dagokionean, batez ere”. Ongietorria da hitzarmena, beraz, baina urrats bat baino ez dela azaldu du Irabazizek, eta bestelako neurriak eskatu ditu Pasaiako portuaren jarduera badiako biztanleentzat kaltegarria izan ez dadin: “nabaria da merkantzia zikinen trafikoak eragiten dituen arazoak ez direla desagertuko hitzarmena ezartzearekin. Hor ditugu airera isuritako partikulak, soinua… Arindu daitezke eta hala egin behar dute”. Horretarako proposamen zehatza ere egin du hautesle elkargoak: txatarra deskargatzeko puntu bakarra ezartzea. Neurri horrek berez, espazioaren kontsumoa eta operazioak optimizatzea ekarriko luke Irabazizen iritziz, baita kanpoalderako eragina gutxitzea: “Itsasontzietatik deskarga gunera , eta bertatik kamioetara edota trenera egin beharreko mugimenduetarako makinaria egokia jarrita, biltegiratze eremua beharrezkoa den minimora gutxituko litzateke”. Gardentasun falta leporatu die bestalde EAJ eta PSE-EEri: “Seinale txarra da Gipuzkoako Foru aldundiak badia osatzen dugun herrietako udalekin hitzarmena partekatu ez izana. Komunikabide batzuk badiako herrietako udaletara baino lehenago iritsi da hitzarmenaren berri, eta ziurrenik, Gipuzkoako Batzar Nagusietako alderdi politikoek ere ez dute ezagutzen hitzarmenaren edukia. Gardentasunik ez da izan hitzarmena egiteko garaian, eta parte hartzea ere ez dute bilatu”. Ez dagoela Pasaiako Portuaren kontra esan du azkenik Irabazizek, “aintzat hartzen dugu, eta hura hobetzeko pausuak eman daitezkeela uste dugu. Oarsoaldea eta Gipuzkoaren zerbitzura izango den portua nahi dugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Neurri gehiago eskatu ditu Irabazizek, portuko jarduerak Oarsoaldeko herriak kaltetu ez ditzan

Gipuzkoa

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik