Txinalkan izena eman daiteke, hilaren 14ra arte
Helduentzako antzerki eskolak bi orduko saioak eskainiko ditu asteazken arratsero
Txinalka helduentzako antzerki taldean izena eman nahi dutenek orain dute bigarren eta azken aukera. Uztailean egin zuten lehenengo izen emate txanda, eta hilaren 14ra arte
Hemezortzi urtetik gorakoei eskainita dago antzerki eskola. Tessa Andonegi aktorea ariko da gidari lanetan, eta asteazken arratsero bi orduko saioak egingo dituzte, 19:00etatik 21:00etara, Karaez kaleko lokalean.
Ikasturte osoaren prezioari dagokionez, 60 eurokoa izango da oiartzuarrentzat, eta herrian erroldatuta ez daudenek 80 euro ordaindu beharko dute. Izen-emate orriarekin batera, ordainagiria aurkeztu beharko da udaletxeko harreran edo Elorsoro kiroldegiko sarreran. Laboral Kutxan sartu beharko da dirua, kontu korronte zenbaki honetan: 3035 0126 60 1260900006.
Izen-emate orriak lortzeko, berriz, honako tokietara joan daiteke: Manuel Lekuona biblioteka; Elorsoro kiroldegia; Potte, Amazkar eta Kastro tabernak; txokolategia eta anbulatorioa. 
