Produktu ekologikoen laugarren azoka hartu du gaur Errenteria-Oreretako Gamon zumardiak
Helenka Santos Belmonte, tailerra eskaini bitartean, azokan
Produktu ekologikoen laugarren azoka egiten ari dira gaur Errenteria-Oreretan, Biolurrek, Behemendik, Gipuzkoako Foru Aldundiak eta Errenteriako Udalak elkarlanean antolatuta.
Salgaietan, askotarikoak; ogia, gazta, olioa, barazkiak, arropa… baina saltoki guztietan ezaugarri komunak, bertakoa eta ekologikoa.
Badabil jendea erosketak egiten, eta publikoa pilatu da baita ere Helenka Santos Belmontek zumardian bertan eskaini duen tailerraren bueltan. Gaia: Udako hartzituak eta saltsa probiotikoak. Zuzenean aritu da horien prestaketan, produktu guztien gaineko azalpenak eman bitartean. Dastatzeko aukera ere izan da.