Kirol Astean, kaleko kirol makina berriei egurra ematera
Andreonen eta Euskal Herria plazan jarri dituzten kirol makinak berriak izango dira Kirol Astearen menuaren euskarri nagusiak. Bekoerrotan, ate irekiak.
Kalean jarri dituzte kirol makinak izango dira astearen izarretakoak.
- Hilaren 24tik 29ra: Bekoerrota kiroldegiko instalazioak zabalik izango dira aste osoan zehar, ate irekien jardunaldien bitartez. Hau da, lezoar guztiek (bazkide izan ala ez) aukera izango dute Bekoerrota ezagutu eta hango zerbitzuak erabiltzeko. Kiroldegian antolatzen diren jardueretan parte hartzeko aukera ere izango du nahi duen orok, kasu honetan beti aldez aurretik izena emanaz.
- Hilak 25 (asteartea): 11:00etan, Andreonen eta Euskal Herria plazan jarritako ariketa fisikoa egiteko makinak aurkeztuko ditu udalak.
- Hilaren 25ean eta 27an: 11:30etik 13:00etara, Euskal Herria plazako kirol makinak nola erabiltzen diren azaltzeko argibideak emango ditu Unai Benedited kirol orientatzaileak.
- Hilaren 26an: 16:30etik 18:00etara, Andreoneko kirol makinak nola erabiltzen diren azaltzeko argibideak emango ditu Unai Benedited kirol orientatzaileak.
- Hilaren 27an: Tipi-Toparen irteerak 10:45ean eta 11:00etan plazatik. Muittu Lezo talde eragilearen bilera ere egingo dute egun horretan.
- Hilaren 27 eta 28an: Kultur Aretoan ibilbide osasungarrien gaineko erakusketa egongo da jarrita.
