[Galeria] Zapatilak jantzita, bakearen alde

150 herrialde eta 3.000 kilometrotik gora eginda, Errenteria-Oreretara heldu da gaur Peace Run lasterketa, eta harekin bat egin dute Egiluze Gurutzearen Alabak ikastetxeko DBHko 120 ikasleek.

Ikerne Zarate Gartziarena

Errenteria-Orereta

2018/09/25

Peace run lasterketa Errenteria-Oreretan, gaur goizean.

150 herrialde eta 3.000 kilometrotik gora eginda, Errenteria-Oreretara heldu da gaur Peace Run lasterketa, eta harekin bat egin dute Egiluze Gurutzearen Alabak ikastetxeko DBHko 120 ikasleek. Fanderia auzoan, kiroldegi ondoan egin diete harrera bakearen aldeko lasterketan parte hartzen ari den lasterkari taldeari, eta Herriko plazaraino joan dira korrika beraiekin. Hara helduta ekitaldi xumea egin dute. Bakearen alde ari direla korrika egiten azaldu dute antolatzaileek, “baina zergatik, bertan gerrarik ez bada? Bakea ez da soilik gerran ez izatea, bakea, adiskidetasuna, armonia eta elkartasuna ere badelako”. Egunero 100 kilometrotik gora egiten dituzte. Bulgarian hasi ziren otsailaren 4an, eta urriaren 8an amaituko dute Lisboan bakearen aldeko lasterketa. Bide horretan txandaka ari da hamabost lagunen taldea, tartean, besteak beste, Mexiko, Espainiako Estatua, Txekiar errepublika, Errusia, Mazedonia, Kroazia, Austria, Errumania, edota Hawaiikoak, bakearen zuzia eskuz esku eramaten. Honakoa, Peace Runek antolatzen duen 31. lasterketa da. Nazioarteko iniziatiba 1987an hasi zuten, munduan bakea bultzatzeko asmoz, eta Egiluze ikastetxeak bat egin du lasterketarekin, “ikastetxeak kirolaren aldeko apustua sendoa egiten duelako baloreen transmisio bide gisa”. Errenteria-Orereta zeharkatuta, Orio aldera hartu du bidea lasterketak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Galeria] Zapatilak jantzita, bakearen alde

Gipuzkoa

Maixabel Lasari emango diote aurten Gipuzkoako Urrezko Domina

Hondarribiko Udalak kereila penal bat aurkeztu du Zaldunborda auziko dokumentazioa iker dadin

Xabier Morras, margoz emandako lekukotasuna

Yurrita e Hijoseko hamabi langile kaleratu dituztela salatu dute

Jarindo parke eolikoa egiteari uko egin dio Green Capital Powerrek

Bergarako eta Zarauzko IATetako lan gatazkan esku hartu dezala eskatu diote Jaurlaritzari

‘Superra’-ren aurrestreinaldia Azpeitian egingo dute, hilaren 28an

Xabi Alonsoren Igeldoko txaleta legezkoa dela ebatzi du EAEko Auzitegi Nagusiak

Irungo atxilotuen kasua «Poliziaren jukutriatzat» jo du Askek

Eusko Jaurlaritzak Bentaberriko babes ofizialeko 510 etxebizitzak erosiko dizkio Blackstone funtsari

Jon Insaustik esan du Donostian atzo etxegabetu behar zuten familiari «bizitoki bat» eskainiko diotela

Donostiako Antondegi eremuak landa izaerari eutsi behar diola defendatu du Antondegi Berdeak

Gipuzkoako baso suhiltzaileek salatu dute foru aldundiak zenbait zerbitzu eten dituela, baso suteen «arrisku handiko» sasoi betean