Urteroko zita da Basari Elkartearen Bazkide Eguna. Aurten hilaren 28an ospatuko dute. Ohi bezala, goizean mendi buelta egingo dute, eta ondoren bazkaria, aurten elkartean bertan.
Mendi bueltara animatzen direnak 09:00etan elkartuko dira Gure Zumardian, eta handik Oiartzungo Karrika auzora joango dira kotxe partikularretan, handik oinez abiatzeko.
Bazkarirako txartelak, 18 euroan helduentzat eta 8 euroan haurrentzat, salgai jarri dituzte jada. Kamio, Mimos, Dani eta Leunda tabernetan eros daitezke, hilaren 21era arte.