Gekako langileek esan dute enpresak ez duela likidezia arazorik

Gekaren hiru lantokietako 65 langileak mobilizazioekin hasi ziren pasa den astean; aste honetan lan uzteak egiten ari dira

Erik Gartzia Egaña

Oiartzun

2018/10/18

Elkarretaratzeak eta manifestazioa egiten dituzte langileek, egunero.

Geka enpresako 65 langileak mobilizatzen ari dira pasa den astetik hasita. Protestaren helburua nomina ordaintzea eskatzea da. Astigarragako lantegian eta Oiartzungo bietan —Zerradi eta Zuaznabar industrialdeetan daude— ari dira protestaldia egiten. LAB, CCOO eta independenteek osatzen duen langile batzordeak azaldu duenez, enpresak borondatezko konkurtsoa tramitatu du merkataritza-epaitegian. “Oraindik ez dago konkurtso autorik, eta enpresak ez du arazorik izango langileei soldatak ordaintzeko”, gaineratu dute.

Pasa den astean egunero elkarretaratzeak egin zituzten Zerradi industriaguneko lantokiaren kanpoan. Aste honetan, berriz, hiru lantegietan mobilizazioak egiten ari dira. 09:30etik 10:45era eta 18:30etik 19:30era dira mobilizazio horiek; elkarretaratzeak zein Zerradi industriagunetik Zuaznabarrera manifestazioak egiten ari dira goizeko tartean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.