DBH 1eko bi talde eta bigarren mailako beste batek parte hartuko dute egitasmoaren aurtengo ikasturtean; 176 gaztetxo euskarazko aisialdian murgilduko dira
![kuadrillategi oiartzun 2018](http://oarsoaldea.hitza.eus/site/files/2018/10/kuadrillategi-oiartzun-2018.jpg)
Landetxe plazan elkartuko dira DBH1eko gaztetxoak.
Gaur arratsaldean hasiko da, modu
ofizial batean, Kuadrillategiren 2018/2019 ikasturtea. 176 oiartzuarrek hartuko dute parte bertan, eta hiru taldetan banatuta. DBH1eko bi talde dira, eta DBH2ko beste bat.
DBH1ekoen kasuan, 17:00etan geratu dira, Landetxe plazan. Batzuk Kataxulo gaztetxera joango dira, eta beste erdia Elorsoro kiroldegiko bilera aretoan. Astero taldeak nahastuko dituzte, elkarren artean ezagutzeko aukera izan dezaten. DBH2koak, berriz, Kataxulo gaztetxian elkartuko dira, 19:30etik aurrera.
Hezitzaile lanetan dozena erdi oiartzuar ariko dira: Ines Dehesa, Alazne Etxeberria, Itsaso Markos, Ugaitz Susperregi, Garazi Urdanpileta eta Iker Urritegi. Lehenengo batzarra, iraila erdialdean egin zuten, eta askaritzar batekin ospatu zuten lehen topaketa hura.
Kuadrillategiren helburu nagusia euskarazko aisia eskaintzea da.