Aske bizitzeko eskubidea exijitu dute, amorruz

Hilketa matxisten oinarrian patriarkatua jarrita, neurri eta erabaki eraginkorrak hartzeko galdegin die erakundeei mugimendu feministak

Ikerne Zarate Gartziarena

Errenteria-Orereta

2018/10/26

Haur bat atzoko elkarretaratzearen pankartari so.

Indarkeria matxistak Euskal Herrian eragindako azken heriotza salatzera atera ziren atzo arratsean kalera hamarnaka herritar. Nazkatuta eta amorruz salatu zuten Yolanda Jaen hil duela bikotekideak, eta amorru berarekin esan zuten, aske bizitzeko eskubidea emakumeentzat ere behar duela izan. Oreretako Mugimendu Feministak deitu zuen elkarretaratzera, eta Errenteriako Udalak eta Berdintasunerako Kontseiluak bat egin zuten. Bigarren mailako hiritarrak direla emakumeak salatu zuten elkarretaratze amaierako mintzaldian mugimendu feministako ordezkariek, “bestela ez baitago ulertzerik gu akabatzen egotea mendeetan, belaunaldiz belaunaldi, aldaketa eraginkor sakonik egin gabe”. Atzokoa Euskal Herrian aurten izandako zazpigarren hilketa matxista dela nabarmendu zuten, eta hilketa horiek ez direla “etxeko trapu zaharren” ondorioz ematen nabarmendu, “guztiek dute oinarrian patriarkatua, ondo pentsatu eta antolatutako sistema, bizitzaren esparru guztiei eragiten diena”. Nortasuna eta bizimodua libreki egitea ukatua dutela emakumeek esan zuten, bestalde, “egunero, munduan zein Euskal Herrian hiltzen gaituztelako”. Horri aurre egitea denen ardura dela, baina erakundeei dagokiela neurriak eta emakumeen bizitza duinduko duten erabakiak hartzea esan zuten. Erabaki horiek gainera, berehala nahi dituzte, “gaurtik, modu eraginkorrean, eta ez azaleko edota itxurakeriatik harago ez doazenak”. Amorrutik, egin zuten eskaera, nazkatuta eta nekatuta daudelako eta autodefentsan lanean jarraitzeko konpromisoa berretsi zuten, “erasoen arrean ezin dugulako ez isilik ezta geldirik ere geratu. Gure auzo eta herrietatik erasotzaileak baztertzen jarraituko dugu”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Aske bizitzeko eskubidea exijitu dute, amorruz

Gipuzkoa

Ehunka lagunek protesta egin dute Donostian, erosketa orgak eskuan

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik