Lonjako lanak hasiko direla iragarri du Portu Agintaritzak

Egiteke dauden lanak 2019an bukatzea aurreikusi dutela zehaztu dute

oarsoaldea

2018/10/30

Sanpedrotarrek pairatu dute gehienbat lanen geratzea, eta oso haserre daude egoerarekin.

Aspalditik daude San Pedroko lonja berria eraikitzeko lanak geldirik. 2016ko otsailean jakin zen bigarren faseari zegozkion lanei ez zietela ekin, eta ordurako hilabeteak zeramatzaten makinak geldirik. 2015. urtean eten zen obra. Gerora azaleratu ziren gainkostuak, fiskaltzaren salaketa, miaketak eta prozedura penalak, aurtengo apirilean ustelkeriarengatik zabaldutako prozedura penalak artxibatu zituzten arte. Bien bitartean, baina, lanak geldirik izan dira, biziberritzearen ikur behar zuen eraikina erdizka, eta San Pedro eta inguruko herritarrak gaiarekin ernegatuta. Bada, Portu Agintaritzako iturriek gaur iragarri dutenez, 2019an bukatuko dituzte egiteke dauden lanak. Hala jakinarazi dute Agintaritzaren webgunearen bidez. Zehaztu dutenez, urriaren 19an bildu ziren lonjako erabiltzaileekin lanen gaineko zehaztapenak emateko. Esan dutenez, “eraikinaren goiko aldea eta arrain lonja eta San Pedroko hiri-nukleoaren artean dagoen plazaren prestaketa lanak abian jartzeko kontratuak martxan” jarri dituzte. Ildo beretik, Esnabide kalera ematen duen arrain-lonjako aurrealdea atonduko dutela jakinarazi dute. Zehaztu dutenez, eraikinaren goialdean 400 metro koadroko sukaldaritza gune bat eraikiko dute, baita 200 metro koadroko erabilpen anitzeko gela bat eta arrain lonjako erabiltzaileen bulegoak ere. “Lanaren lehenengo fasean gune hau guztia, pasaitarrek zein bisitariek gozatzeko plaza garbi batek inguratuko du” eta arestian aipatutako lan guztiak “bigarren fase batek osatuko” dituela aurreratu dute. Azkenik, lonjako erabiltzaileei “beren lana errazteko helburua duten lanak” egitea aurreikusia dutela esan dute, besteren artean, “ur-gaziaren hornidura eta izotz-fabrikaren instalazioaren lanak bukatzea”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Lonjako lanak hasiko direla iragarri du Portu Agintaritzak

Gipuzkoa

Ehunka lagunek protesta egin dute Donostian, erosketa orgak eskuan

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik