Gaurtik dituzte partidak Lezoko kirol talde nagusiek. Asteburu oparoa izango da, talde guzti-guztiek dituztelako norgehiagokak.
Jaixki AFTko kideak, entrenamendu batean.
Lezoko talde guztiek dituzte partidak asteburuan. Futbolean, Allerruren gizonen talde nagusiak sailkapenaren behealdean dagoen Deusto Donostia jasoko du, igo berrien lehian. Bi taldeak larri dabiltza. Allerruren emakumeen talde nagusiak Trintxerpern bisita jasoko du, irabazi beharreko partida da.
Eskubaloian, euren ligen goialdean daude Munttarperen bi taldeak. Gizonenak (lider dira), Legazpiren etxean jokatuko du; sailkapenean azpialdean daude legazpiarrak, hortaz, beste bi puntu eskuratzeko aukera du. Emakumeen taldeak, berriz, Ordizian jokatuko du igandean egoera zailean dagoen bertako taldearen kontra.
Asteburuko lehen partidak, areto futbolekoek. Bai Gaintxuk zein Jaixkik gaur dituzte lehiak Anoetaren kantxan lehenak, Bekoerrotan bigarrenak. Partida latzak izango dira.
Kurkubik, ostera, Internacional taldeari egingo dio bisita bihar. Ondo ari dira herriko saskibaloi taldekoak, nahiz eta hainbat zailtasunekin ari diren dena aurrera eramaten. Sailkapenak dio talde hobea dela egun Lezokoa Donostiakoa baino.
Jarraian, xehetasunekin, herriko talde nagusien norgehiagoken agenda.
FUTBOLA
Gizonen Erregional Ohorezko Maila
- Allerru-Deusto Donostia, larunbatean, 16:00etan, Plazetan.
Emakumeen Gorengo Maila
- Allerru-Trintxerpe, larunbatean, 18:00etan, Plazetan.
Gizonen Gazteen Ohorezko Maila
- Mariño-Allerru, larunbatean, 17:30ean, Irungo Ugalde-Ventas zelaian.
Gizonen Gazteen Lehen Maila
- Allerru-San Marcial B, larunbatean, 11:30ean Plazetan.
ESKUBALOIA
Gizonen Gipuzkoako Lehen Maila
- Legazpi-Munttarpe, larunbatean, 19:15ean, Legazpiko Bikuña kiroldegian.
Gipuzkoako Emakumeen Liga
- Ordizia-Munttarpe, igandean, 11:45ean, Ordiziako Majori kiroldegian.
ARETO FUTBOLA
Gizonen Gipuzkoako Lehen Maila
- Anoeta-Gaintxu AFT, ostiralean (gaur), 21:00etan Anoetako Abraham Olano kiroldegian.
- Jaixki AFT-Idiazabal, ostiralean (gaur), 21:50an Bekoerrotan.
SASKIBALOIA
Gizonen Gipuzkoako Hirugarren Maila
- Internacional-Kurkubi SBK, larunbatean, 18:00etan, Donostiako Mons kiroldegian.
