Finalerdiak eskura izan zituzten bote luzeko pilotariek

Asteburuan jokatu dute, Benidormen, bote luzeko 'Champions'-a; gutxigatik ligaxka ez zuten pasa Gipuzkoa Bat taldekoek

2018/11/20

Benidormen dena hondartzak eta hotelak ez dira.

Asteburuan jokatu dute bote luzeko Championsa, Benirdormen (Alacant, Herrialde Katalanak). Bertan Gipuzkoa Bat taldea aritu zen, eta Joxe Mari Mitxelena oiartzuarra izan zen taldearen ordezkaria. Ligaxkako lehen partida Valentziako txapeldunen aurka —Benidorm anfitrioia— jokatu zuten, eta 6-1 galdu. Ordubeteko partida izan zen, oso lehiatua, baina une erabakigarrietan kale egin zuten gipuzkoarrek, eta kintzea eta jokoa valentziarrek poltsikoratu zuten. Bigarren partidan Toscanaren kontra aritu ziren. Partida motza eta nahiko erraza izan zen, eta 6-0 irabazi zuten gipuzkoarrek. Emaitza ez zen nahikoa izan finalerdietara sailkatzeko. Bederatzi taldek hartu zuten parte, hiru multzotan banaturik. Lehendabizikoak lortzen zuen finalerdietara sailkatzea, eta laugarren txartela bigarren onenarentzat zen. Hain zuzen ere, Gipuzkoa zen bere multzoko bigarrena, Bizkaia eta Belgikako Thielein bezala. Belgikarren eta gipuzkoarren berdinketa hausteko, jokoak hartu zituzten kontuan. Belgikarrak nagusitu ziren (Thielein 9-8, Gipuzkoa 7-6). Finalerdietara iritsi ez ziren arren, gustura bueltatu ziren gipuzkoarrak han bizitako esperientziarekin. Oiarperen emaitzak Oiarpeko pilotariek 21 partida jokatu dituzte asteburuan. Estekan sakatuta ikus daitezke emaitzak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.