[GALERIA] Haur eta gazteak herria eraikitzen

Herriko diagnostikoa eta Ekintza Plana aurkeztu dute gaur adingabeko pasaitarrak, Haurren eta Nerabeen Eskubideen Nazioarteko Egunarekin bat eginik.

olatz mitxelena

Pasaia

2018/11/20

Udal hautetsiek haur eta nerabeen parte hartzea bermatzeko marko bat ezartzeko konpromisoa beregain hartu dute.

Azken bi urteetan aritu dira Pasaiako haur eta nerabeak herriko diagnostikoa eta Ekintza Plana osatzeko lanean, eta gaur aurkeztu dute publikoki, Haur eta Nerabeen Eskubideen Nazioarteko Egunarekin bat eginik. Donibaneko Juanba Berasategi kulturgunean izan da aurkezpena, adingabekoak antolatu eta gidatutako ekitaldian. Beraiek egin dute harrera, beraiek aurkezpena, eta beraiena izan da ekitaldiaren gidaritza. Entzule, berriz, udal korporazioa Izaskun Gomez alkatea buru zela, udal langileak, irakasleak, hezitzaile eta gurasoak, guztiak adi, haur eta gazteen ekarpenak jaso eta eskubideen gaineko hausnarketak partekatzeko. Askotarikoak izan dira Ekintza Planean jasotako proposamenak: barrutien arteko garraioa bermatzeko autobus zerbitzu urbanoa, kale argiztapena hobetzeko proposamenak, iturriak, parkeak… hamaika proposamen, gehientsuenak hirigintzari lotutakoak, baina baita hezkidetza eta generoaren gaineko kezkekin harremana dutenak. Ekitaldiaren bukaeran hartu du hitza alkateak, baita korporazioko gainontzeko kideek ere, eta egin duten lanarengatik adingabeak zoriondu ondoren, hasitako bideari jarraipena emateko konpromisoa hartu dute. Haurren eta nerabeen parte hartzea bermatzeko markoa ezartzea izango da udal arduradunen hurrengo egitekoa, eta Ekintza Planean jasotako denak aztertu ondoren lehentasunak erabakiko dituzte, nola ez, haur eta nerabeekin elkarlanean. Lanean hasteko data bat ere jarri dute: urtarrilean egingo dute lehen batzarra.

Haurren eta Nerabeen Eskubideen Nazioarteko Eguna

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[GALERIA] Haur eta gazteak herria eraikitzen

Gipuzkoa

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik