Irakurketa Taldekoek 'Egunsentiaren esku izoztuak' aztertuko du gaur

Xabier Lete zenaren olerki bilduma sarituari buruz hitz egingo dute; datorren hilabeterako Najat El Hachmiren 'Azken patriarka' irakurri behar dute

Erik Gartzia Egaña

Oiartzun

2018/11/20

Xabier Leteren azken liburua izango dute hizpide.

Oiartzungo Irakurketa Taldeak Xabier Leteren Egunsentiaren esku izoztuak olerki bilduma aztertuko du gaur arratsaldean, 20:00etan, Manuel Lekuona bibliotekan. Oiartzuarraren azkeneko poesia liburua izan zen hura, eta 2009an bi sari garrantzitsu lortu zituen, bere sailean: Euskadi Saria eta Espainiako Literatur Kritikarien Saria —poesia sailean—. Datorren hilabeterako lanak ere jarrita dituzte. Najat El Hachmi idazlearen Azken patriarka liburua irakurri behar dute. El Hachmik katalanez idatzi zuen eleberria, eta bertan Marokotik Katalunia Erdialdera bizitzera joaten den Mimoun Driouch da protagonista. Autoritarioa eta despota da, eta bi kulturen artean bizi da, jatorrikoaren eta harrera herrikoaren artean. Bere alaba txikiaren begietatik kontatzen da historia; bere aginduei men egitea uko egiten die. Egoera dramatikoak eta umore zinikoa uztartzen ditu idazleak. El Hachmi bera Marokon jaio zen, eta zortzi urterekin joan zen Vicera bizitzera. Planetak 2008an argitaratu zuen eleberri harengatik hainbat sari jaso zituen, tartean Ramon Llull Saria. Abenduaren 18an izango da horri buruzko solasaldia.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.