Aste honetan saioak egin dituzte bizilagun eta eragileekin; jasotako ideia nagusiak planoan sartu eta hilabete barru aurkeztuko dute

Landetxerako ideiak udaletxean jorratu zituzten.
Landetxe plazaren eraberritzeak aurrera jarraitzen du. Aste honetan zehar, plaza horretan bizi direnekin eta haren erabiltzaileekin bildu dira. Merkatari eta ostalariek, Kataxulo gaztetxian dabiltzan eragileak (Oihartzun Guk, Kuadrillategi…), zerbitzuek, kultur eragileek eta abar saio bana egin dute.
Saio bakoitzean, plazak beharko lituzkeen ezaugarri orokorrak landu dituzte plazarekin zerikusia duten oiartzuarrek. Landetxe plazaren proiektua lantzen ari den arkitekto taldeak zein Hirigintza Saileko teknikariek ideia horiek jaso zituzten. Bildutako horrekin, plano zehatza egingo dute, eta hilabete barru aurkeztuko diete.
Plazak estrukturalki dituen arazo estrukturalak (garajeetan ura sartzea, adibidez) konpontzeko biziberritu nahi dute Landetxe plaza. Mendiburu 14 eraikinarekin batera egingo dituzte lanak.