Etorri berriei harrera egingo diete larunbatean, Abaraxkan

Pertsona Migratzaileen Nazioarteko Eguna da abenduaren 15a; elkar ezagutzeko aukera izango dute larunbat arratsaldean, ludotekan

Erik Gartzia

Oiartzun

2018/12/10

Oraingoan ludotekan izango da harrera, baina gastronomia ezberdinak dastatzeko aukera egongo da [Argazkia: @oiartzunudala].

Datorren larunbata, hilak 15, Pertsona Migratzaileen Nazioarteko Eguna izango da. Egun horretan bertan, Oiartzunera aurten etorri berri direnei harrera egingo diete, toki —beraientzat— ezezaguna delako, eta harremanetan hasteko. Aurreko urtetan ekitaldia egin izan da, eta aurten aldaketa batekin dator: Abaraxka ludotekan izango da harrera ekitaldia. Ludotekak eta Euskara eta Gizarte-Ongizate sailek elkarlanean antolatu dute ekitaldia. Batez ere, haurrak dituzten familia etorri berriekin pentsatu dute. Elkar ezagutzeko aukera izateaz gain, Oiartzuni buruzko informazio praktikoa emango dute. Gainera, jatorri ezberdina duten herritarrek euren gastronomia partekatuko dute, baita jokoak eta jokoak ere bai. Etorri berriek jaso dute beren gonbita, baina nahi duten oiartzuarrek —herrian ala kanpoan jaio— har dezakete parte larunbateko ekitaldian. “Helburua herritar guztien arteko elkarbizitza eraikitzea da”, esan du udalak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.