Mindara elkarteak eta Oiartzun Kirol Elkarteak antolatu dute; hilaren 22an jokatuko dute, Karla Lekuona futbol zelaian
![futbol egokitua oiartzun](http://oarsoaldea.hitza.eus/site/files/2018/12/futbol-egokitua.jpg)
Futbol egokituko lehenengo topaketa egingo dute abenduaren 22an.
Mindara elkarteak urte batzuk darama dibertsitate funtzionala duten pertsonen integrazioa eta haien jarduerak dibulgatzen. Hilaren 22an kateari beste begi bat gehituko diote.
Izan ere, futbol egokituko lehenengo topaketa egingo dute Karla Lekuona futbol zelaian, bertako egoiliarrekin elkarlanean. 12 urtetik gora duten pertsonei zuzenduta dago; desgaitasun fisiko edo intelektuala izan behar dute, eta oinez ibili. 11:00etan hasiko dira baloiari ostikadak ematen. Hori bai, lehenago izena eman beharko da,
e-posta bidez harremanetan jarrita.
Mindara eta Oiartzun Kirol Elkarteak Gipuzkoako Kirol Egokituen Federazioaren laguntza jaso dute topaketa antolatzeko.