Txerriak, dantza eta artisauak, larunbaterako osagaiak

Txerri Eguna ospatuko dute larunbat goizean, Oiartzunen; 70 artisau inguruk postua jarriko dute Madalensoron, eta animaziorik ez da faltako

Erik Gartzia

Oiartzun

2018/12/11

Artisauek Madalensoro pilotalekuan hartuko dute aterpe.

Bada film bat Snatch: Txerriak eta diamanteak (Guy Ricthie, 2000) izenekoa. Larunbatean diamanterik ez, baina Oiartzunera hurbiltzen denak beste mota bateko altxorrak aurki ditzake, artisauek egindakoak, txerriez gain. Ttur-ttur Euskaltzaleon Bilguneak Txerri Eguna antolatu du larunbaterako. Euskarazko merkataritza sustatu nahi dute, eta horregatik postua jarriko duten artisauek euskara eman behar dute arreta, baita idatzi beharrekoak euskaraz idatzi ere. Hizkuntzaz beraz gain, euskal kultura ere sustatu nahi dute; baserritarrez jantzita joateko deia luzatu dute. 10:00etan hasiko dira ganadu feria zein artisauen erakusketa, 14:00etara arte. Ez dira, baina, ekitaldi bakarrak izango. Honakoa izango da egitarau osoa, nahi dutenen gozagarri:

10:00etatik 14:00etara: Artisau feria Madalensoro pilotalekuaren barruan; kanpoaldean, ganadu feria. Taloak eta txistorra jateko aukera egongo da goiz osoan zehar.
12:00etan: Haurtzaro Dantza Taldearen kalejira, Done Eztebe plazatik abiatuta.
12:00etan: Elizalde Dantza Taldearen bizpahiruna dantzen emanaldia, Euskal Herria, Landetxe eta Beheko Plazetan.
13:00etan: Haurtzaro Dantza Taldearen emanaldia, Landetxe plazan, Laia tabernak antolatuta.
13:30ean: Errigorako bi saskiren zozketa eta Paeta zaharrak erantzun! mahai-jokoaren zozketa, Madalensoro pilotalekuan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.