Donibanen igandean ospatuko dute San Tomas azoka

Herriko artisau eta baserritarrak izango dira feriaren protagonista nagusiak

olatz mitxelena

2018/12/12

Konpota lehiaketa egiten dute urtero Donibanen San Tomas azokan.

Itsas Mendi elkarteak dena prest du sanjuandarrek igandean San Tomas azokaz goza dezaten. Urtero legez herriko beste kultur eragileekin elkarlanean aritu da azoka antolatzen, eta haien laguntzaz ondu du igandeko egitaraua. 11:00etan hasiko da feria, herriko plazan, trikitilariek girotuta. Ordurako prest izango da herritarrek urtero mimoz prestatutako konpota erakustaldia, eta txukun herriko baserritarrek eta artisauek atondutako erakusketa eta salmenta postuak: makilak, eztia, arropa, kosmetika ekologikoko produktuak, baserritar jantziak,… eta horiez gain, bertako eta garaiko produktuen salmenta. Eguerdian, horrez gain, Pasaia-Lezo Lizeoko ikasleen kantaldia izango da, eta haurren ikuskizuna amaituta, Lintxua euskal dantza taldearen erakustaldia. Azokan derrigorrezkoak, euskal produktuen zozketa eta talo eta txistorra postuak, noski, ez dira faltako. Egitaraua:

11:00: Trikitilariak, azokaren hasiera eta konpota erakustaldia.
12:00: Pasaia-Lezo Lizeoko haurren kantaldia.
Ondoren: Lintxua Donibaneko Euskal Dantza Taldearen emanaldia.
14:00: euskal produktuen zozketa
Azoka bitartean, talo eta txistorra postua.

Partaideak:

Joxan Kortadi: Ogia eta gozoak.
Maridomingi: eskulanak.
Xatur Telletxea: Makilak,
Aitor Zabaleta: Eztia
Alazne: euskal jantziak.
Arantza Sistiaga: ehortziri lanak.
Aritzkunengo Tienduka: kosmetika naturala.
Larrabetzuko Pilar: ogia eta pastak.
Eneko Sein: Abereak eta jakiak.
Gaztelutxo baserria: Abereak eta barazkiak.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.