Osasun mentaleko mahai bat sortzea proposatuko dute Arraztalok eta Aldurak
Gaixotasun psikikoak dituzten pertsonen arretaren inguruko diagnostikoa osatu ondoren plazaratu dute proposamena.
Pasa den abenduaren 11n aurkeztu zuten Arraztalo, Aldura eta SIISek Oarsoldeko gaixo psikikoek eskualdean jasotzen duten arreta ikertzeko osatu berri duten diagnostikoa eta elkarte berberek jakinarazi dutenez, aurkezpen jardunaldian, 50 bat pertsona inguruk parte hartu zuten, besteak beste, gaixotasuna duten pertsonak, senideak eta hainbat erakundetako politikari eta teknikariak.
Ikerketak bi erronka nagusi jasotzen ditu: zaintzaren indibidualizazioa eta iraunkortasuna eta gaixotasuna duten pertsonen ahalduntzea, Arraztalo eta Alduraren arabera, biak ere, “zeharkako erronkak” , “eragile baten baino gehiagoren” parte hartzea eskatzen dutelako. Hain justu horregatik, mahai bat sortzea proposatuko dute “elkarlana bultzatu” eta “helburu komunak lortzen laguntzeko”.
Arraztalok eta Aldurak uste dute “azterketak planteatzen dituen erronkak gaur egungo arreta hobetzeko aukera bat” direla eta iragarri dutenez, “hurrengo hilabetetan eragile guztiekin harremanetan jarriko dira eskualdean horrelako mahai bat sortzeko, Salut Mental Catalunyak garatu duen metodologia eredutzat hartuz”. Diagnostikoaren aurkezpenean Kataluniako esperientzia ezagutzeko aukera izan zen, eta eredugarritzat dute bertako elkarteek.
Beraungo Osasun Mentaleko zentroak eskualdeko 2000 pertsona artatzen ditu eta horietatik 800 pertsona inguruk desgaitasuna aitortua dute.
Diagnostikoa
