Abaraxkak Gabonetan ez du atsedenik hartuko, eta ibiltaria izango da

Haurrentzako jarduera ugari antolatu dituzte, dibertsioa eta heziketa nahastuko dituztenak; arratsaldetan izango dira jarduera guztiak

Erik Gartzia

Oiartzun

2018/12/19

Aurten ere puzgarriak jarriko dituzte.

Gabonak hurbil dira, eta ikasleek oporrak izango dituzte egun horietan. Egun horietako orduak betetzeko, Abaraxka udal ludotekak Lehen Hezkuntzako ikasleei zuzendutako jarduerak antolatu ditu. Ohi bezala, dibertsioa eta heziketa uztartuko dituzte abenduaren 26tik urtarrilaren 5era bitartean. Arratsaldero, 17:00etatik aurrera (kasu gehienetan), izango da non gozatu. Ludoteka ibiltaria izango da, eta hainbat tokitara eramango dituzte bere jarduerak. Honakoa izango da egitaraua:

Hilak 26: Xanisteban eguna eta erromeria, Kontzejupean, Kiskil taldearekin.
Hilak 27: Xakean jolastuz, Abaraxka Ludotekan.
Hilak 28: Kantu merienda, Abaraxka Ludotekan. Soinuenea Herri Musikaren txokoarekin batera antolatzen dute, Itziar Zamora gitarra jolea eta Ane biolin joleak gidatuko dute.
Hilak 29: Mendi buelta. Abaraxka Ludotekatik, 10:00etan.
Urtarrilak 2: Puzgarriak Elorsoro kiroldegian 11:00etatik 13:00etara eta 16:30etik 19:00etara.
Urtarrilak 3: Ikuskizuna Mari eta gaileta fabrika, udaletxeko pleno aretoan. Berdintasunaz eta parekidetasunaz jarduten duen 7-13 urte bitarteko umeei zuzendutako antzezlana. Eidabe kultur ekimenaren taldearen eskutik.
Urtarrilak 4: Erraldoiekin jarraituz, Abaraxka Ludotekan.
Urtarrilak 5: Familia/lagunarteko jolasak, Abaraxka Ludotekan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.