OTXE Ciclos Iñaki taldeak denboraldi "bikaina" bukatu berri du

Hemezortzi garaipen lortu ditu taldeak, tartean Gipuzkoako hiru txapelketa eta Euskadiko bat; datorren denboraldian babesle berria izango dute, eta 22 ziklista

Erik Gartzia

Oiartzun

2018/12/19

Datorren urtean babesle berria izango dute.

OTXE Ciclos In?aki mendiko bizikleta taldeak denboraldia bukatu berri du, eta “bikaina” izan dela jakinarazi dute taldearen arduradunek. Hamabost kadete, Junior Mailako txirrindulari bat, lau Elite/Sub23 eta Master batek osatu dute taldea. Denboraldia Errenteria-Oreretako San Marko gotorlekuan hasi zuten, martxoan eta Lizarran bukatu azaroaren 11n. Guztira hemezortzi garaipen izan ditu taldeak. Horien artean, hiru Gipuzkoako txapelketak izan dira eta Euskadiko Txapelketa bat. Euskadiko MTB Irekia 3, berriz, OTXE Ciclos Iñakiko hiru txirrindularik irabazi dute. “Denboraldi borobila egitearen isla da hau”, esan dute. Hortaz gain, lau taldekide Galizian izandako Eskolarteko Espainiako Txapelketetan izan ziren Euskadiko Selekzioarekin. Bertan postu duinak lortu zituzten: Nahia Polok hamabigarren izan zen; Gexan Albisu hemezortzigarren; Xabier Txintxurreta hogeigarren eta Oier Maritxalar 22.

2019an, berritasunak Datorren urteari begira, taldeak izen berria izango du, Ciclos Iñakik babesle izateari utziko baitio. OTXEk eskerrak eman dizkio Iñaki Zendoiari, urte hauetan guztietan eman duen konfiantzagatik. “Bera gabe ezinezkoa izango bait zen Gipuzkoan erreferente den MTB talde hau aurrera ateratzea”, zehaztu dute. Babesle berria izango dute, eta baita bost aurpegi berri ere —laster jakinaraziko dituzte—. Gainera, taldeko bost txirrindulari Junior Mailan ariko dira. Aurten Euskal Herrian erakutsi duten maila kanpoan erakutsi beharko dute. Izan ere, kanpoan lehiatzeko asmoa dutela iragarri baitute, hala nola Superprestigio txapelketan edo Kataluniako Nazioarteko Proban. Datorren urtean 22 txirrindulari izango ditu mendi bizikleta taldeak, horrela banatuta:

Hamar kadete.
Bost junior.
23 urtez azpiko hiru.
Hiru Elite Mailakoak.
Master bat.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.