Kolunbarioak jarri dituzte Oiartzungo hilerrian; urte berria hastearekin batera dago horiek erabiltzeko aukera, eskaria eginda
Momentuz 72 kolunbario prestatu dituzte hilerrian.
Urte berriarekin batera, Oiartzungo hilerriak zerbitzu berri bat eskaintzen du: errautsak gordetzeko kolunbarioak. Zehazki, 72 dira gordailuak.
Zerbitzu hori jaso nahi duenak udaletxeko harrerara jo beharko du, eta eskaera egin, nitxo horizontalekin egin behar den bezala.
Udalak nabarmendu duenez, hileta errituak eta ohiturak garai berrietara moldatzeko beste urrats bat da kolunbarioak eskaintzearena. “Izan ere”, zehaztu dute, “geroz eta gehiago dira hil ondoren erraustearen hautua egiten duten herritarrak eta horientzako toki aproposa eskaintzea ezinbestekoa da”. Horretarako prestatu dituzte 72 kolunbarioak. Kopuru hori behin-behinekoa izango dela jakinarazi dute.