Hika hitz egiten ikasteko ikastaroa antolatu dute
Ttur-ttur Euskaltzaleon Bilguneak sei saioko ikastaroa antolatu du hika egiten ikasteko. Izena emateko epea irekita dago.
Hitanoa hitz egin ez duzulako lotsatzen zarela? Ttur-ttur Euskaltzaleon Bilguneak horrekin bukatzen lagun zaitzake. Izan ere, hilabete honen 29tik martxoaren lehenengo asteartera arte ikastaro praktikoa egingo du.
Sei saio izango dira, bitarte horretako astearteetan, Aizak eta aizan elkarrekin dantzan lelopean. Izena emateko epea zabalik dago, hilaren 27ra arte, eta horretarako mezu elektronikoa bidali behar zaie Ttur-tturrekoei.
Ikastaroa dohainik izango da, eta saio bakoitza ordu eta erdikoa izango da, 18:30etik 20:00etara. Fermiñenen izango da ikastaroa. Informazio gehiago nahi duenak, 943 26 01 82 telefono zenbakira dei dezake.
Honakoak izango dira egunak: urtarrilak 29, otsailak 5, 12, 19 eta 26; eta martxoaren 5a.