Udaletxeko energia kontsumoa neurtuko dute
Oarsoaldeko Garapen Agentziak eta eskualdeko lau udalek duten aurrezpen energetikoaren planaren barruko neurria izango da egingo dutena.
Oarsoaldea Garapen Agentziak eta eskualdeko lau udalerrietako udalek plana dute energia aurrezteko. Egitasmo horren barruan, eraikin publikoetan neurketak egingo dituzte urtarrilean.
Oiartzunen kasuan, udaletxeko eraikinean egingo dituzte neurketak. Horrela, tenperatura, hezetasuna eta CO2 isurketa datuak bilduko dituzte. Horiek aztertuta, aurrera begira hartuko dituzten aurrezpen neurriak zeintzuk izango diren ondorioztatuko dute.