Ihoteak girotzeko banderak salgai daude
Ihote Taldeak herriko zortzi auzoetako bakoitza ordezkatzen duten koloredun banderak salgai jarri ditu, Urrats paperdendan. Ihoteetan jartzeko dira.
Zortzi auzoetako koloreak Urratsen aurki daitezke. Otsailaren 22tik 24ra ospatuko dira, Oiartzunen, eta Ihote Taldea jada hasi da festa prestatzen. Egun horietan herriko balkoiak apaintzeko banderak egin dituzte, eta Urrats paperdendan daude salgai. Sei eurotan eros daitezke.
Zortzi kolore daude aukeran, herriko auzo bakoitzarena. Erdian, gainera, irudi bat daukate, ihote girokoa. Ihote Taldeak oiartzuarrak animatu ditu, bandera eros dezaten, kale eta auzoak alaitzeko. Honakoak dira koloreak:
- Karrika: Gorria.
- Ugaldetxo: Morea.
- Arragua: Horia.
- Elizalde: Zuria.
- Altzibar: Arrosa.
- Ergoien: Lila.
- Iturriotz: Urdin argia.
- Gurutze: Berdea.
