Xorrolaren erabiltzaile kopurua hamalau puntutik gora hazi da
Herri barruko autobusak 2017an baino 12.464 erabiltzaile gehiago izan zituen iaz, 84.000tik gora iritsi arte. Gehiengoek Mugi txartela erabiltzen dute.
Eneritz Arbelaitz alkateordea, zerbitzua eskaintzen duen ibilgailuaren ondoan. Xorrolaren erabiltzaile kopuruak gora egiten jarraitzen du. Horrela diote iazko datuek. 2017tik 2018ra bitartean, herri barruko autobus zerbitzuak %14,6ko igoera izan zuen. Horrela, iaz 84.047 lagunek erabili zuten autobus zerbitzua. 12.464 erabiltzaile gehiago dira hori.
Erabiltzaileen gehiengo nabarmenak Mugi txartela baliatzen du Xorrolan. Zehazki, autobus berdera igotzen direnen %87,18k. Oiartzungo Udalak eta Gipuzkoako Foru Aldundiak sinatutako hitzarmenari esker, hogei zentimo merkeagoan dute bidai txartela.
Iaz lehenengo aldiz, Xorrolak abuztu osoan goizezko zerbitzua eskaini zuen eta harrera oso ona izan zuen. Hori kontuan hartuta, Oiartzungo Udalak adierazi du garraio publikoaren zerbitzua hobetzeko lanean ari dela.
Elizalde, Altzibar, Iturriotz, Ugaldetxo eta Arragua auzoei ematen die zerbitzua.
