Maider Zabalegik bigarren diskoa aurkeztuko du martxoaren 8an
'Bidean' izena jarri dio bakarkako ibilbideko bigarren lanari. Martxoan argitaratuko du diskoa, Baga-Biga diskoetxearekin, eta Bilbon aurkeztuko du, hil horren 8an.
Maider Zabalegi [Argazkia: Baga-Biga]. Baga-Biga diskoetxean urte hasieran iragarri zuen: Maider Zabalegik bere bakarkako ibilbideko bigarren diskoa argitaratuko du 2019an. Badok musika atariak baieztatu du, eta detaile gehiago eman ditu. Alde batetik, Bidean izena jarriko diotela. Bestetik, martxoan argitaratuko dutela. Aurkezpen kontzertua martxoaren 8an izango da, Bilborock aretoan.
Duela bi urte aurkeztu zuen bere lehenengo diskoa: Zuei. Hamarkada baten ondoren bueltatu zen plaza publikora, Alaitz eta Maider bikotea banatuz geroztik.
