Via Galega aurkeztuko dute Trintxerpen

Erabakitzeko eskubidearen aldeko Galiziako plataforma da; aurkezpenean Gure Esku Dago eta ANC Biltzar Nazional Katalaneko kideak egongo dira.

Castelao Culturmar eta Fato Cultural Galegoko kideak, San Pedroko arrantzaleen auzoan, Castelaori eskainitako omenaldian.

Fato Cultural Galego elkarteak antolatuta, bihar, 12:00etan, Via Galega plataforma aurkeztuko dute Trintxerpeko alkateordetzan. Erabakitzeko eskubidearen aldeko galiziar plataforma da Via Galega. Iaz sortu zen, eta ordutik erabakitzeko eskubidearen aldarria hedatzeko lanean ari dira.

Trintxerpeko aurkezpenean Fato Vultural Galego elkarteko kideekin batera, Gure esku Dago eta ANC Biltzar Nazional Katalaneko kideak egongo dira.

Oiartzunen, bestalde, Kontxa Murgiari omenaldia egingo diote bihar arratsaldean, eta gaur haren omenezko poesia emanaldia izango da euskaraz, katalanez eta galizieraz.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.