Lourdes Montillak eta Unai Cantalapiedrak irabazi dute indoor triatloia
Emakumeen taldekako lehiaketan, berriz, Iratxe Beitia, Leire Blazquez eta Arantxa Zapata izan dira azkarrenak; eta gizonetan, Miguel Maza, Beñat Lekue eta Iñigo Sardonek irabazi dute.
36 lagunek hartu zuten parte triatloi proban. Lourdes Montilla eta Unai Cantalapiedrak egin dute denborarik onena joan den larunbatean Fanderiako Udal Kiroldegian jokatu zen Errenteriako Indoor Traitloian. Emakumeetan Ursi Walliser eta Oihana aAmundarain sailkatu ziren bigarren eta hirugarren; eta mutiletan, Ion Pombar eta Alex Oier Mendizabal sailkatu ziren bigarren eta hirugarren postuan.
Emakumeen taldekako lehiaketan, berriz, Iratxe Beitia, Leire Blazquez eta Arantxa Zapata izan dira azkarrenak; eta gizonetan, Miguel Maza, Beñat Lekue eta Iñigo Sardonek irabazi dute. Talde mistoen kategorian, Erika Amundarain, Jon Ander Amundarain, eta Joseba Mateos izan ziren azkarrenak. Amaitzeko, familia taldeen artetik azkarrena Carmen Dos Santos, Aimar Lopez eta Joseba Mateosek osatutakoa izan da.
36 lagunek hartu zuten parte proban eta 500 metro igeri, 8 kilometro bizikleta estatikoan, eta 3,25 kilometroko lasterketa egin behar izan zuten. Antolatzaileek proban zehar izan zen giro ona nabarmendu dute.
Ondokoa, probaren laburpena bideoa.
