Bihar zabalduko du udalak etxebizitza komunitarioan izena emateko epea
Hilaren 8tik 27ra arte izango da izena emateko aukera, eta horretarako, Zu! Zure Udala zerbitzura jo behar dute. Online egiteko aukera ere izango dute.
Etxebizitza komunitarioaren sukalde eta egongela komunitarioa. Gazteentzako etxebizitza komunitarioko logelen zozketan parte hartzeko izena emateko epea, bihar zabalduko du udalak. Hilaren 8tik 27ra arte izango da izena emateko aukera, eta horretarako, Zu! Zure Udala zerbitzura (Herriko plaza, 1) jo behar dute astelehen, asteazken eta ostiraletan 07:30etik 15:00etara, edo astearte eta ostegunetan, 07:30etik 20:00etara. Online egiteko aukera ere badago.
Errenterian erroldatutako 18 eta 30 urte bitarteko gazteek parte hartu ahal izango dute, eta azken sei hilabetean bertan bizi behar dute. Zerga eta betebeharretan egunean egon beharko dute, etxebizitza propiorik ezin dute izan, eta urtean gehienez, 26.000 euro gordineko diru sarrerak izango dituzte gehienez.
Baldintza horiekin batera, inprimakiak behar bezala bete beharko dituzte parte hartu ahal izateko, agiri osagarriekin aurkeztu (NAren edo legez ordezkatzen duen agiriaren kopia), eta Zu! Zure Udala zerbitzuan edo online erregistratu.
Informazio gehiago jasotzeko, berriz, posta elektronikora mezua bidali, gazteriaren webgunea ikusi, 943 44 96 00 telefono zenbakira deitu, eta Zu! Zure Udala edo Merkatuzar eraikineko (Pablo Iglesias, 3) hezkuntza eta gazteriaren bulegoetan galdetu dezakete.
