Julen Rodriguez, Pasaiak Ahal Du-ren alkategaia
Taldearen egungo bozeramailea eta 'Bai, Ahal Da Pasaia'ren hautagaitzaren buru, boto emaileen %52,5ren bermea lortu du.
Julen Rodriguezek Nerea Gonzalezi irabazi dio alderdiaren hauteskunde primarioetan. Pasaiak Aha Du-k bukatutzat eman du hauteskunde primarioen prozesua, eta emaitzak jakinaraztearekin bat maiatzeko udal hauteskundeetan beren alkategaia Julen Rodriguez izango dela iragarri du.
Rodriguez, gaur egun zinegotzia, Pasaiak Ahal Du-ren bozeramailea da udalean. Horiez gain Bai, Ahal Da Pasaia-ren hautagaitzaren burua izan da bere alderdiko Pasaiako hauteskunde primarioetan. Alkategai izateko prozesuan aurkari, Nerea Gonzalez Bastardo (%27.50) eta Marian Escobedo Madrazo ( %20.00) izan ditu.
Alkategaia ez ezik, zerrendako hautagaien hurrenkera ere ondorioztatu dute primarioen emaitzen arabera, nahiz eta aldaketak egon daitezkeela ohartarazi. Gaur gaurkoz, hautagaitzan, zerrendatutako hurrenkeran, ondorengoan doaz: Izaskun Urruzola, Florencio Moro (gaur egun zinegotzia) eta Marian Escobedo.
