Memoriaren Basoan 200 zuhaitz landatuko dituzte
Memoriaren Basoan, Iparragirre zonaldean, zuhaitz landaketa egingo dute Lezoko Ekologia Taldeak eta Etxetxo Memoria Historikoaren Taldeak larunbatean.
2017ko otsailean egindako auzolabaren irudia. Lezoko Ekologia Taldeak eta Etxetxo Lezoko Memoria Historikoaren Taldeak zuhaitz landaketa egingo dute hilaren 16an (larunbata) Memoriaren Basoan. Iparragirre zonaldean dago basoa. 200 zuhaitz landatu nahi dituzte bertan.
Hala, hilaren 16ko 09:00etan Tiñelun gelditzeko deia egin dute, handik basora joateko. Iragarri dutenez, 13:15ak inguruan herrian bueltan izango dira.
Landaketa egiteko laguntza eskatu dute. Hortaz, lezoarrei ekinaldian parte hartzeko eskatu diete Ekologia Taldeak eta Etxetxok.
2017ko otsailean hasi ziren Memoriaren Basoa izena eman zioten eremua sortzen. Hala ere, Lezoko Ekologia Taldeko kideek urteak daramate eremu hori zaintzen.
