Kooperatibismoa pantaila handira eramango du OzZinemak
Urtarrilean aukeratutako zinema estiloari buelta bat eman eta zinema dokumentalari eskainiko dio tartea datorren asteartean, euskal kooperatibismoaren sorkuntza pantaila handira eramanda.
Arizmendiarreta. El hombre cooperatibo filma, Ozzinemaren proposamen berria. Arrakastatsu hasi du urtea OzZinema zineklubak, eta bere eskaintzak. Izan ere, bere azken bi saioetan sarrerak agortu egin ziren. Urtarrilean aukeratutako zinema estiloari buelta bat eman eta zinema dokumentalari eskainiko dio tartea datorren asteartean (hilak 19). Euskal kooperatibismoaren sorkuntza, jatorria eta legatuari buruzko Arizmendiarreta. El hombre cooperatibo ekarriko du Niessenera.
Gerraoste betean, euskal apaiz batek Arrasateko hainbat gazte erreklutatzen ditu enpresa bat sortzeko. Pertsona, ekonomia eta enpresa logistikaren erdigunean jartzea zuen helburu. Oraindik ez dakite, baina Fagor munduko kooperatiba talderik handienaren hazia izango da, munduan enpresa erreferentea baita humanoa ere.
60 urte geroago kooperatibismoak zein leku duen, zentzurik duen aztertzen du filmak hainbat pertsona erreferenteei egindako elkarrizketetan. Arizmendiarretaren ereduaren gaineko hausnarketa egin dute bertan, sustatu zituen balioek indarrean jarraitzen duten, kapitalismoaren aroan bideragarria den kooperatiben eredua.
Saioa Arizmendiarreta Kristau Fundazioko kideek aurkeztuko dute, baita ondorengo solasaldian parte hartu. Filma ikusteko sarrerak 4 euroan eros daitezke Niessen Kulturgunean. emanaldia 19:30ean izango da.
