Antxoko kaldereroen konpartsa larunbatean irtengo da
Zartaginak eta mailuak astinduta Hungariako perzkinak 18:30ean irtengo dira Azokatik
Koral Pasaitarrak antolatutako kaldereroen argazkia, duela 40 urtekoa: Argazkia: Iñaki Becerra. Pasai Antxora larunbatean iritsiko dira kaldereroak, urtero legez inauterien etorrera iragartzera. 18:30ean irtengo dira azokatik, eta barrutiari bira emango diote, nola ez, kantari desfilatu bitartean. Aurtengo konpartsa jendetsua espero da. Entseatzen aritu dira aurreko asteetan, beraz, erritmoa, afinazioa, eta primerako giroa, bermatuta. Antoalatzaileak: Antxoko Musikoen Elkartea, kantu jira eta Alkarkide txaranga.
Tradizio luzea dute Antxoko kaldereroek, naiz, azken urteetan zertxobait gainbeheran etorri diren. Garai bateko festa hura gogoan azken egunotan sare sozialetan oihartzun izan dute garai bateko kaldereroek, Antxotarrok historia mintegiak jasotako kroniken bidez, eta erabiltzaileek zabaldutako garai bateko argazkiei esker.
Antxotar asko irteten zen urte askoan Pasaitarra Koralak antolatu zuen konpartsan eta garai hartako giroa berreskuratzeko asmoa dute egungo antolatzaileek.
