Zer gertatu zen jakiteko eraikitzen
Lezoko Ekologia Taldeak eta Etxetxo Memoria Historikoaren Taldeak deituta auzolana egin dute goizean frankismoaren esklaboen barrakoien inguruan.
Lezoarrak, barrakoietako bat garbitzen. Lezoko Ekologia Taldeak eta Etxetxo Lezoko Memoria Historikoaren taldeak deitutako auzolan berria egin dute gaur goizean Jaizkibelen, Iparragirre baserria zenaren inguruan. Bertan daude frankismoan behartuta lan egin zuten langile presoen barrakoiak, frankismoaren esklaboen barrakoiak. Inguru hori garbitzen izan dira, eguraldi atseginez gainera, lezoarrak.
Hasierako asmoa Memoriaren Basoa osatzea zuten, 200 zuhaitz landatuz. Baina lurra behar bezala prestatzeko astirik ez dute izan, eta horrela, hainbat lagun barrakoiak garbitzen izan dira, eta beste hainbat aurrerago egingo den landaketarako eremua prestatzen.
2017an hasi ziren Memoriaren Basoa egiten. Frankismo garaian ehunka izan ziren behartuta lan egin zutenak Jaizkibel inguruan, trabajadoreen batailoiak ziren. Kondizio oso eskasetan lan egiteaz gain, Etxetxok jakinarazi du behintzat hiru preso tiroz hil egin zituztela bertan; hori dokumentatutako datua da, baina taldeko kideek uste dute askoz gehiago izan zirela. Esklabo horietatik gehienak Espainiako Estatuko hainbat probintzitakoak izan ziren, baina izan ziren euskaldunak ere, tartean lezoarren bat zela.
