Erasoa gaitzetsi eta mugimendu feministaren deialdiarekin bat egin du udalak aho batez
Eraso matxisten aurrean "zero tolerantzia" adierazi, eta emakumeenganako indarkeriaren aurkako jarrera argia berretsi du bozeramaileen batzordeak.
Errenteriako Udaleko Bozeramaileen Batzordeak adierazpen instituzionala egin du erasoa salatzeko. Atzo goizean Errenteriako Mari Lezo kalean izandako sexu erasoa gaitzetsi du bozeramaileen batzordeak aho batez, eta Oreretako Mugimendu Feministak antolatu duen elkarretaratzearekin bat egin du. Adierazpen instituzionala egin du bozeramaileen batzordeak sexu erasoaren harira. Emakumeei egindako edozein indarkeria motaren aurrean erabateko gaitzespena erakutsi du, eraso matxisten aurrean “zero tolerantzia” adierazi, eta emakumeenganako indarkeriaren aurkako jarrera argia berretsi du: ” horrelako gertaerak ez ditugu gure gizartean onartzen, eta lanean jarraituko dugu erakunde, elkarte eta herritarrok, emakumeok indarkeria matxistarik gabe bizi gaitezen”.
Erasoa jasan duen emakumeari elkartasuna eta laguntza eskaini dikzio halaber, udalak, eta beharrezko baliabide guztiak jarri ditu haren eskura. Bat egin du mugimendu feministaren deialdiarekin, eta herritar guztiak parte hartzera deitu ditu gainera, azken sexu erasoa salatzera.
+ Azken eraso matxista salatzera deitu du Oreretako Mugimendu Feministak.
+ Sexu eraso saiakera egotzita gizon bat atxilotu dute Errenterian
