Antzerkia eta gatazken kudeaketa, Hezitzaile Eskolaren hurrengo tailerra
Martxoaren 16an 10:00etatik 14:00etara eta 16:00etatik 20etara eta martxoaren 17an 10:00etatik 14:00etara egingo du saio hori Antzerkia eta gatazken kudeaketa: elkarbizitza eraikitzen lelopean.
Errenteriako Udalak antolatzen duen Hezitzaile Eskola programak bigarren saioa egingo du martxoaren hirugarren asteburuan. Martxoaren 16an 10:00etatik 14:00etara eta 16:00etatik 20etara eta martxoaren 17an 10:00etatik 14:00etara egingo du saio hori Antzerkia eta gatazken kudeaketa: elkarbizitza eraikitzen lelopean. Hik Hasik emango du tailer hori, eta helburua, gizartea eraldatzeko antzerkiak eskaintzen dituen tekniketan trebatzea da. Hala, Esther Uriak gidatuko duen monografikoan, antzerkiaren bidez errealitatea arakatu eta eraldatzeko aukerak aztertuko dira. Bestalde, gatazka baten aurrean irtenbideak esploratuko dira antzerkia erabiliz eta norbanako konpetentziak garatuko dira antzerkiaren teknikak lantzen diren bitartean.
Aisialdian haur eta nerabeekin lanean diharduten hezitzaileei begirakoa da ikastaroa, eta martxoaren 8a arte ematea dute izena interesdunek gazteriaren posta elektronikora idatzita, edota 943 449 606 edota 637 589 956 telefono zenbakietara deituta.
Saioa euskaraz eta doakoa izango da, eta gutxieneko partaide kopurua taldea osatzeko 10 lagunekoa izango da.
