'Txillardegiren Klika' dokumentala, Korrika Kulturalaren eskutik
Orereta Ikastolaren Linoko eraikinak (Agirre Lehendakariaren plaza) hartuko du emanaldia. Hura amaituta berriz, solasaldia antolatu dute Kote Camacho, Dani Goñi eta Joseba Alvarezekin.
Txillardegiren Klika dokumentala emango dute asteartean (hilak 26) Errenteria-Oreretan Korrika Kulturalaren egitarauaren barruan. Orereta Ikastolaren Linoko eraikinak (Agirre Lehendakariaren plaza) hartuko du emanaldia. Hura amaituta berriz, solasaldia antolatu dute Kote Camacho, Dani Goñi eta Joseba Alvarezekin.
Kote Camachok egindako ikus-entzunezkoa otsailaren 9an estreinatu zuten. Zuzendariak 14. Korrikak Txillardegiri egin zion elkarrizketa hartu du oinarrian dokumentala egiteko. 14. Korrikak euskara ikasteko erabakia hartu zutenak omendu zituen, aurten Euskal herria zeharkatuko duen 21. Korrikak harago joko du. Klika leloarekin euskara erabiltzeko eskatuko du, euskaraz ahalduntzeko, euskararekin inplikatzeko.
Txillardegik bere kabuz ikasi zuen euskara, gurasoek bazekiten ere ez zuelako etxean entzun. Horregatik omendu zuen, besteak beste 14. Korrikak, eta horregatik omenduko du orain 21. Korrikak, Jose Luis Alvarez Enparantza Txillardegi erabakigarria izan delako euskararen historiako azkeneko mende erdian.
