Lartaun Zikloturista Taldeak asteburuan hasiko du denboraldiko martxa
Ostiralean batzarra egingo dute, denboraldi berriari dagozkion arloak jorratzeko. Igandean, berriz, hasiko dira errepidean, eta Lesakara joango dira.
![lartaun zikloturista taldea](https://oarsoaldea.hitza.eus/site/files/2019/02/lartaun-zikloturista-taldea.png)
Lartaun Zikloturista Taldea datorren asteburuan hasiko da pedalak astintzen. Lehendabizi, ostiralean, batzarra egingo dute Manuel Lekuona bibliotekan. 19:45ean hasiko da bazkideen ohiko batzarra, eta hainbat gai jorratuko dituzte: lizentzien berritze eta banaketa, eta haien aseguruari buruzko informazioa; irteeretako egutegiaren banaketa, eta taldeko argazkia lehen egunean; LXXII. Xanisteban Sariaren antolaketa; eta 2019 denboraldiko arropari dagokiona.
Hori lau paretaren artean izango da. Errepidera, berriz, igandean aterako dira. Lesakarako bidea egingo dute zikloturistek.