Aranzadirekin auzolana martxoaren 10ean Jaizkibelen
Torreazpi putzua egokitzeko aukera izango dute partaideek. Auzolanaz gain, inguruaren gaineko azalpenak jasoko dituzte partaideek.
Aranzadiko kideek gidatuko dute auzolana. Lezoko Jaizkibelen aldean dagoen Torreazpi putzua egokitzeko auzolanerako deia egin du Aranzadi Zientzia Elkarteak, Lezoko Udalaren babesarekin. Mendiko Kontserbazio Bereziko gune da putzua 2013tik, uretako organismoen populazioa eta anfibioena indartzeko. Auzolana Jaizkibelgo goiko kantinatik (Pasaiakoa) abiatuko da 10:00etan. Auzolana egiteaz gain, Aranzadiko kideek inguruaren gaineko azalpenak emango dituzte.
Auzolana hasi aurretik, kantinatik dorrerako bidean, aurten egin diren basolanen azalpenak emango ditu basozain batek. Dorretik putzura joango dira partaideak ondoren, eta han, hori inguratzen duen hesia berritu eta bertan zuhaixkak landatuko dituzte. Bitartean, Aranzadiko kideek sasien garbiketa egingo dute, eremua seguruago egon dadin.
Oinez egin beharreko bidea bi kilometro ingurukoa izango da. 13:00ak inguruan, kantinan bueltan, mokadutxoa jateko aukera izango da.
Auzolanean parte hartzeko beharrezkoa da aldez aurretik izena ematea. Ondoko loturan sartuz dago horretarako aukera.
