Josefa Sousak 100 urte bete ditu
1919ko otsailaren 26an jaio zen Albueran (Badajoz, Extremadura, Espainia) eta oso gaztetan etorri zen Gipuzkoara. 1978ko abenduaren 8an etorri zen Errenteriara bizitzera, Alaberga auzora, zehazki.
Josefa Sousa Julen Mendoza alkatearekin. Josefa Sousak 100 urte bete zituen atzo. Julen Mendoza alkateak bisita egin zion Sousari eta udalaren izenean lore sorta eta Lander Urkiak egindako argazki markoa eman zizkion opari. Eguna senitartekoz inguratuta pasa zuen Sousak.
1919ko otsailaren 26an jaio zen Albueran (Badajoz, Extremadura, Espainia) eta oso gaztetan etorri zen Gipuzkoara. Hortik gutxira bere ahizpa etorri zen, eta elkarrekin egon dira bizitza osoan. Hasieran Donostian bizi izan zen, bertan larru denda batean aritu zen lanean neskame gisa. Ondoren Pasaiara joan zen, eta 1978ko abenduaren 8an etorri zen Errenteriara bizitzera, Alaberga auzora, zehazki.
Hiru seme-alaba, bost biloba, eta zazpi birloba ditu.
Gaur egun, erroldaren arabera, hamar pertsona daude Errenteria-Oreretan 100 urte edo gehiago dituztenak.
