Mexikora bidaia prest dute Donibanen
Ranchera doinuan dantzatuko dira Donibanen inauterietan; itxuraldaketa martxan da
Iazko inauterietan, Donibanen, zinemako soinu bandak izan ziren protagonistak. Egun handia izaten da Donibanen inauterietako larunbata. Aiton-amonek dinamizatuta herri osoa bildu ohi da gai baten bueltan, goizean goizetik kalera irten eta desfiletarako dantzen erritmoan festaz gozatzeko.
Aurten Mexiko Lindo da hautatutako gaia, eta ohi bezala, barrutiko kaleen itxuraldaketa pixkanaka igartzen hasia da. Besteak beste, kantina bat prestatzen ari dira aiton-amonen aterpean.
Azken entseguetarako orduak dira, eta jantzien prestaketan, azken puntadak ematekoak. Bestela, festa egitarauan guzti-guztia prest da. Atarikoa ostiral gauean izango da, Ziaboga tabernan 21:00etatik aurrera Bixi- Bixi elkarteak antolatutako kontzertu eta pintxo pote mexikarrean, eta larunbatean errematea, goizean hasi eta gorputzak iraun artekoa.
Egitaraua
- 11:00: Aiton-amonen aterpean bilkura eta argazkia. Jarraian desfilearen irteera eta dantzaldia Meipin. Jarraian Meipitik plazara desfilea eta 13:00ak inguruan plazako dantzaldia.
- 14:30: herri bazkariak.
- 18:30: Bizkaia plazan elkartzea, eta plazara bidean desfilea han,19:30ak inguruan ikuskizuna aurkezteko.
