Zirkua heldu da
Hasi da atzerako kontaketa, egun bat baino ez da falta Errenteria-Orereta zirku erraldoi bihurtzeko.
Errenteriako udaletxea zirku bilakatu da. Hasi da atzerako kontaketa, egun bat baino ez da falta Errenteria-Orereta zirku erraldoi bihurtzeko. Azeriko kuadrillak udal balkoia hartzen duenean hasiko da festa bihar arratsaldean, Asteme, Oilarqueen eta Katukok egingo dute hasierako pregoia, eta ondoren Ereintza Elkartearen Azeri Dantzak zipriztinduko ditu bazterrak. Zirkua da aurten herritarrek herria mozorrotzeko aukeratu duten gaia eta udalak ere bat egin du, atzotik Zirku karpa bihurtu du udalaren fatxada nagusia.
Jantziaren zentroak ere bat egin du inauteriekin. Atzotik trapezista batek egingo die harrera Jantziaren Zentrora hurbiltzen direnei.
Tabernariek, berriz, ordutegia luzatzeko aukera izango dute inauterien harira. larunbatetik iganderako gauean, 07:00ak arte luzatuko da diskoteka eta kafe antzokien ordutegia, tabernena, berriz, 05:30era arte luzatuko da.
Egitarau osoa hemen.
